كتبت الإعلامية لارا سليمان نون : بتذكّر لما جارنا تزوج روسية بالضيعة…
وقامت القيامة وعالم عم تحكي عالطالع والنازل…
وراحت الإيام وإجت الايام… وبالوقت يلي بعمرنا كنا معجوقين بالسهر والماكياج والضهرات… وكل ما بدنا شي نروح نشتريه خالص مخلّص…
رحت زِرتا بالبيت… حاملة معي كل موروثات مجتمع مهتري… انصدمت!…
لقيتا عم ترسم… لقيتا بتكتب… لقيتا بتزرع نباتات لتتفادى شراء الأدوية… لقيتا عم تزرع كل شي في خُضار حد بيتا لتطعمي بنتا أكل صحي…
واليوم… وبعز الأزمة يلي نحنا فيها… صرت فكّر…
إنو يلي مارقين فيه نحنا… يا محلا النظام الشيوعي…
فيا ريت نمد إيدنا لبعض… وما ناكل بعض بالأحكام والمظاهر… ونساعد بعض بالرسم وبالأشغال اليدوية وبالزرع وبكل شي بيخلينا نوقف عإجرَينا… بعيداً عن كل البِدع المزيفة يلّي تفشت فينا متل السرطان…
حلو الكيف والجخ والبسط بس حلو كمان نكون ناس حقيقيين… حقيقيين متل هالإنسانة يلي أسقطت الأحكام الباطلة بريشة… وبإيدين مجرحة من الزرع… وبكرامة خلّتني احفر صورتها براسي لليوم… اليوم يلي عم خبر فيه عن جارنا يلي تزوج روسية… بالضيعة!
إقرأ المزيد :قوى الأمن توقف عصابة في جبيل
