98 حالة وفاة بفيروس كورونا !!! رقم مرق وكأنو صار متلو متل أي تعداد!!!!! لأ أكيد مش لازم يمرق مرور الكرام… لازم ينعمل شي!!!! يلي ماتوا هني أهلنا وأحبابنا ومش لازم نبقى مكتوفي الأيدي….
أعداد الوفيات بسبب الإصابات بفيروس كورونا بعدا عم تزيد يوم بعد يوم رغم الهجمة على شراء وتوزيع ماكينات التنفس الإصطناعي المنزلية, وهالشي بسبب حاجة الكتير من المرضى يلي أصيبوا بالفيروس للعناية الفايقة ومتابعة طبية دقيقة حتى يستعيد المريض مستوى الأوكسيجين الطبيعي….
مش كل الماكينات المنزلية مفيدة…. المفيد إنو يكون في غرف عناية فايقة بالمستشفيات…. العالم عم تبرم من مستشفى لمستشفى حتى تلاقي غرفة وفي منن عم يناموا على الشاريو بالطوارئ لعدة إيام بسبب عدم وجود أسرّة إنعاش…. ما مننسى المريض يلي توفى قدام باب المستشفى لأن ما كان في غرف فاضية تستقبلو….
أنسب حل للحد من الوفيات هوي إيجاد غرف إنعاش بالمستشفيات وتجهيزها لتستقبل مرضى كورونا … وماكينات الأوكسيجين بتجي من بعدا حتى تحافظ على مستوى الأوكسيجين ….
أهلنا عم يموتوا ومستشفياتنا مش قادرة تستقبلن لأنها مفولة…..
فكروا كيف تأمنوا غرف عناية لهالناس!!!!
