رئيس بلدية فتري ينعي رئيس جامعة بني ضو في البلدة

نعى رئيس بلدية فتري في قضاء جبيل مروان سعيد رئيس جامعة بني ضو في البلدة نظير يوسف ضو بعد ان خطفه وباء كورونا  قائلاً : بصوتك الخافت طمنتنا إنك بخير تشـكـر الـرب وتـقـول الحمـدلل ومـا فــي ع تـمـك كـلمـة غـيـر دعـوة تـالمـرضى يشـفـيهـن الله
كاس مر كتير، ليش فتري عم تودع شبابا؟ ليش الحزن عم يدق بوابا؟ جواتنا غضب وأسى، ومية سؤال وسؤال! يـــــا رب شو حكمتك؟!
نظـيـر يا بي، وخي، وصديق، وخادم أمين بوقف رعيتنا. كلك نخوة وعندك حب العطاء، وحكمة ووفا أدت لإختيارك رئيس لجامعة بني ضو ببلدتنا فتري.
فراقك كتير صعب وما في حدا يعبي الفراغ من بعد رحيلك لدنية الحق.
يا رب منك الصبر منطلب، إنت أردت فلتكن مشيئتك، ورجانا وعزانا الوحيد انو خينا نظير بين إيدين العدرا، وراح عمطرح أحلى، وربنا رح يكافي ع كل وزناتو يللي اشتغل عليها بجهد ومحبة.
بكرت الرحيل انت و جان و سامر… ورح تجتمعوا من جديد مع كل يلي سبقونا. الله يرحمك وتكون نفسك بالسما،،