كتبت الإعلامية لارا سليمان نون عبر صفحتها على الفايسبوك قائلةً :
“شو هالفاجعة يا ماتيو… شو هالفاجعة!!! من يومين حكيتني وما كأنو في شي… ليه استعجلت؟
كنت تحكيني تقلّي: هددوني… وتضحك…
تحكيني وتقلّي: ضلي اكتبي… انا موجوع وانتي حكايتي يلي ما عم بعرف احكيها…
شو صار يا ماتيو؟ ليه هيك خلصت الحكاية؟
كان بيَّك ابونا مجدي يمسكني بإيدي لما مات خيي ويقلّي افرحي… شي من لحمِك ودمِك صار بالسما… وهلق انت صرت فوق… فوق… بس شو بدي قلّو؟
الوجع كبير… والصليب تقيل… والدني ماشية بالمقلوب… وقلبنا ما بقى يحمل…
الله معك يا ماتيو… سلِّم ع شربل
ارحمني يا الله كعظيم رحمتك…”.
