وجّه الأب مجدي العلاوي رسالة إلى المؤمنين للمشاركة في أكبر مسيرة إلى دير مار شربل عنايا في ٢٥ أيلول وجاء في الرسالة: “
المجد لله
الوجع جامعنا والدواء بعنايا وشربل ناطرنا.
عنايا فاتحة قلبها ليل نهار تاتستقبل الزوار وكيف لو كنا كتار كبار وصغار من لبنان وبالشوق من بلاد الإغتراب سوا رح نتشارك ب٢٥ آيلول بمسيرة صلاة وقداس حاملين سراجنا لطبيب السماء تا يضوّي بزيت الرجا والإيمان ،وطننا هوي سراجنا جايين نشحد من قبره نور لقيامة لبنان .
السبت٢٥ آيلول الكل رح يصليلك وين ما انوجد وجنودك رح يقصدوك من كل مناطق لبنان حاملين مسبحتن وصلاتن سلاحن ، جمعية سعادة السماء بمراكزها رح تشارك بيوم مار شربل وين ما كنا بلبنان وببلاد الإغتراب : سيدني ، مارلبورن ،أرمينيا ،
ستوكهولم، مونريال،باريس،أوتاوا
ويللي مش قادر يكون معنا على ارض القداسة يشاركنا بإضاءة الشموع ،الصوم ،الصلاة ،السجود امام القربان المقدس والمشاركة بالذبيحة الإلهية عا نية لبنان المصلوب.
دخلك يا مار شربل خلي عينك عا وطننا يا قديس لبنان ناموا الرعيان واتشتّت القطيع وإنت ما بتنعس ما بتنام.”
كما شكر الإعلامية لارا نون بمبادرتها بتنظيم “هالعيد الوطني بحضور مار شربل،وكل يللي عم بيساهموا بنشر هالرسالة وتأمين المواصلات مجاناً تانوصّل صوتنا وصلاتنا لقلب شربل الحنون .”
المسيرة من ساحة جبيل الساعة ٣ بعد الظهر .
الذبيحة الساعة ٩ المساء بكنيسة مار شربل عنايا.”
وختم، “شربل طبيب السماء ناطركن ،كونوا كتار.”
