كتبت الإعلامية لارا سليمان نون عبر صفحتها على موقع “فايسبوك” التالي:
“مش عارفة مين بدي إشكر… لإشكر…
انتو مش أكرم منو… هوّي رح يشكركن على طريقتو…
بالنسبة للناس يلّي انحطّو بهالدرب… مار شربل حطكن بالدرب…
وبالنسبة للناس يلّي زاحوا من الدرب… هوّي كمان زاحكن من هالدرب… لأسباب هوّي بيعرفها…
25 أيلول… كان رسالة لكل الدني… رسالة لنقول انو مع كل يلّي سرقتوه منا… ما قدرتو وما رح تقدروا تسرقوا ايمان هالشعب الجبار…
وانو عن جد ما ناقصنا الا حب… والباقي تفاصيل…
١٥ كلم مَشي ما كان فيهن إلا أعلام لبنان… ١٥ كلم مَشي خالية من كل مشتقات التلوث السياسي واعمال الشغب…
لأنو مطرح ما في حب بيسقط راس الشيطان…
الله يآجركن واحد واحد… وبحق رب السماوات… رح يرجع لبنان أحلى وأغلى مما كان
بحبكن وبدي إشكر اولاً وأخيراً صاحب هالدعوة “قديس لبنان مار شربل”.
