زياد أسود لجبران باسيل: “تافه وزغير”!

بعد اللقاء الشعبي الذي أقامه التيار الوطني الحر في جزين، والذي شارك فيه الرئيس ميشال عون والنائب جبران باسيل، كتب النائب السابق زياد أسود عبر حسابه “تويتر”: “جزين ردت عني و عليك ،ما بتحرز نضيع وقت على تافه و زغير …الباقي بتعرفو منيح ..”.
وتأتي هذه التغريدة بمثابة الرد على باسيل الذي قال في كلمته: “التياريين متساووين، ما في حدا محسوب على حدا او بيخصّ حدا؛ وما في حدا اكبر من التيار، لا بماله ولا بسلطته ولا بشخصه: بالتيار ما في افضليّات بين متموّلين ومناضلين، اكبر متموّل متل اصغر مناضل بالتيار، هيك لازم يتعاطى معكم وهيك انتو بتتعاطوا معه”.
وأضاف: “لا جماعات ولا مجموعات بالتيار، لا بجزين ولا خارجها؛ يلّي بدّو يكون او يبقى بالتيار عليه انّو يكون تحت سقف نظامه ومبادئه ويلّي بيعتقد نفسه اكبر من التيار، يفلّ منه لنشوف حجمه”.
وتابع: “التيار لا يستبعد احد، ويستوعب الجميع وباله طويل وحكمته كبيرة، ولكن يلّي قرّر انّو يستبعد حاله بإرادته فهيدا قراره ومسؤوليّته”