كتب الزميل عبدو متى عبر صفحته على الفايسبوك : معالي وزير الاتصالات اشرف لك ان تعلّق عملك في الوزارة.
وتابع قائلاً: معاليك انت انسان محترم ومنك من جماعة الصفقات والناس بتحترمك ، بس يا معاليك ، رفعت سعر الانترنيت أضعاف وأضعاف بحجة انو بدكن اموال حتى يستمر العمل بأوجيرو ويبقى الانترنيت مؤمّن للناس بخدمة افضل ، اسكتنا مع انو الوضع الاقتصادي تعتير ، بس معقولة معاليك انو نحنا من ٣ اسابيع مقطوع الانترنت عن ضيعتنا ، اتصلنا كذا مرة عا اوجيرو قالوا انو ما في مازوت بخزانات الاعمدة ، والدولة ما عم تصرف ثمن المازرت ، شو منعمل يا معاليك وبعد كم يوم بتجي الفاتورة عا السعر الجديد
وأضاف متوهاً للقرم : شو رأيك معاليك توضعوا شعار جديد “ ادفع وما تستفيد من الانترنت يا حبّوب “
وختم قائلاً : معاليك برجع بقلك انك انت انسان آدمي ومنّك حرامي ، بس نحنا كمان بيحقلنا نحصل عا حقوقنا من هالحكومة الزفت لانو عم ندفع واجباتنا للدولة .
