أهلــــــــــــــــــي إخوتي عيلتي : إنتـــــــــــــــــــــــــو العيد والأمـــــــــــــــــــــــــــل الجايي
السفير الدكتور جيلبير المجبر
بيّي وإمّــي وكل البيّات والإمـــــــــــــــــات : بها السني الجايي سنة ال 2024، إنتو الخير والبركي ، إنتو إللي إختبرتــوا الحياة حتى صرنا نحنا بدورنا ننهـــــــــــــل من مجالسكُن الحِكْمي والأفعال الطيّبي والكلمات الحلوي ، وكل العلوم إللي إلها معنى بها الحياة ، إنتو بالحقيقا مدرسي ، مرّيتوا بتجارب كتيري وحتى كبيري وظروف صعبي ومدّيتوا إيديكن لتعلمّونا وتعملوا منّا رجال المستقبل ، إنتو صبرتـــــــــــــــــــوا وأصرّيتوا ع صنع حاضرنـــــــــــــــا ومستقبلنا ، وخليّتونا نختبر الحياة ونعيش العطاء والكرم بفضلكن وبفضل الله ، بها المناسبي بطلب من الله الرحمي ل بيّي وإمّي ، والرحمة لكل أمواتنا ، والعيشي الهنيي لكل إللي هنّي مصدر عطاءنا وفرحنا وإنشالله تكون ه السني عليكن وعلينا سنة خير وبركي وإلفي ومحبّي .
فريق عمل المؤسسة بدّي سمّيكن ” الجنود الأبطال ” ، لأنكن أبطال بالعطاء وبإيصال رسائل الفرح لكل العالم ومن دون إستثناءات إنتو أبطال لأنـــــــــــــــــو خبرتكن وظّفتوها لإعلاء شأن المؤسسة وبلاكن ه المؤسسة ما بتسوى شي ، بتبقى إسم ع طاولات الذكرى ، إنتو منزلتكن بالمجتمع كتير كبيري ، لأنكن جنود أصحاب خبرة بإيصال الدحكي والفرحا والأماني بصدق لكل مواطن بوطنّا المجروح ، بقلكن ما ممكن إنسى تعبكن وجهودكن ورسالتكم الساميي وإنتو جنود إللي بيحققوا التماسك بالظروف الصعبي والتلاحم بالمجتمع اللبناني وإنتو الضماني والقدوة للمجتمع إللي بيشوف حالو فيكن ، وإسمحولي بها المناسبة خصكن كلكن بالمحبي والأبوّيي ، بس بدّي زيد وقول ل ” نديم إبن نوال” إنت الوفي بالإيّام الصعبي ، والمبادر بذروة الصعوبات ، إنتْ يللي ما خليّت يمينك تعرف شو عملت شمالك … إنتْ الصديق الوفي والمِثالي ، بعيّدك وبعيّد كل رفاقك بالمؤسسة إنتو “الجنــــــــــــــــــــــــــــــــــــــــــــــــــــــــــــــــــــــود الأبطـــــــــــــــــــــــــــــــــــال ” .
للسياسيين إللي بلا ضمير ، مش ناسيكن ورح ظل خبّطْ فيكن لأنكن بلا إحساس وبلا وجدان وبلا كرامي ، عيب تكونوا مصنّفين بشر لأنــــــــــــــــــــــــــو بلدنا ما في :
بنزين – مازوت – غاز
خبز – لحمة – حليب
دواء – مستشفيات …
واللايحة بطّـــــــــــــــــــــــــــــول
لبنان معكن عم بيصفّي ورح يفلِّسْ ؛
بها السني الجديدي نحنا ورب العالمين رح نسلّط عليكن غضبنا وسخطنا ، ورح نطلب من الله يدوّئكن سخط العيش يا كفّار ويضيّق عليكن أمور الحياة يا بلا ناموس ، ورح نطلب من الله إنــــــــــــــــو يذلكُن ، ويحرمكن الصحة لأنكن حرمتوا شعبي من نعم الشفاء ، ورح نقلّــــــــــــــــــــــــــوا يا رب بليهن بأشّد أنــــــــــــــــــــواع العذاب …. ومش رح نقلكن ينعاد عليكن يا بلا شأمي وكرامي يا وحوش كاسرة .
