الأحد ٢٥ أيلول ٢٠٢٢ ليس يوماً عادياً، في هذا اليوم الإستثنائي ستؤكد الإعلامية لارا سليمان نون ومعها حشد كبير من المؤمنين أن بالفعل “طريق عنايا ما بدا بنزين”، تماما كما حصل في 25 أيلول 2021 يوم إنطلقت مسيرة إيمانيّة شعبيّة من جبيل إلى عنايا، ضريح القديس شربل، شارك فيها مؤمنون من الطوائف كافة.
ونشرت نون المنظّمة لهذه المسيرة تفاصيل يوم غد: “آخر تفاصيل المسيرة!
“رح يشهد لبنان… هالسنة كمان على أضخم مسيرة شعبية ايمانية من جبيل صوب عنايا… مسيرة وطن موجوع نهار الأحد ٢٥ أيلول…
حاملين كل أوجاعنا وهمومنا… حاملين كل يلي سبقونا عالسما… بمسيرة صلاة وايمان ورجا بهالأوقات الصعبة يلي عم نمرق فيها… بمواكبة اعلاميين وفنانين وحشد من وسائل الاعلام.
المواصلات مؤمنة مجاناً لكل لبنان ذهاباً وإياباً.
– الانطلاق: على وقع النشيد الوطني والزفة الوطنية الايمانية الساعة ١١ صباحاً، من مفرق دير سيدة المعونات جبيل.
– محطات استراحة طول الطريق من جبيل الى عنايا وباصات وسيارات مؤمنة لكل شخص بيتعب عالطريق.
– التنظيم بالتعاون مع بلدية جبيل وكاريتاس والدفاع المدني والكشاف الماروني وقوى الأمن والصليب الأحمر اللبناني.
– الوصول الساعة ٦ مساء الى دير مار مارون عنايا لنحتفل بالذبيحة الالهية.
– يُسمح للمؤمنين بحمل الاعلام اللبنانية وصور مار شربل حصراً يلّي رح تتوزع ببداية المسيرة.
– رح يتم توزيع المياه والتفاح وكمية معينة من المناقيش مجاناً على المؤمنين.
– رح يكون في سلة تحت المذبح للنوايا.
– ما تنسوا تحطوا شي على راسكن للشمس، والجاكيتات بوقت القداس إذا صار برد.
– بعد القداس رح يكون في باصات قدام الدير على اليمين ليأمنوا الناس على جبيل وخصوصا يلّي جايين بسياراتن.
– رح يتم نقل المسيرة مباشرة عبر تيلي لوميار Noursat وصفحة Charity TV مع مواكبة من فريق أخبار ال MTV وال LBC وصفحات مواقع التواصل الاجتماعي لاسيما صفحة أبونا شادي بشارة.”
وختمت، “ناطرينكن”
للحجز: أرض المبدعين 71325008
للاستفسار: بول نون 03866100
