كتبت الإعلامية لارا سليمان نون :سؤال للمسؤولين …
كيف عم تأمنوا حليب لولادكن؟ أو رابطين البقرة عالباب؟ أي دولة كافرة هيدي ما بيتأمن فيها حليب للاطفال؟ والله استغنينا عن كل شي… في ناس عم تلف ساندويشات زعتر بلا زيت… ناس عم تاكل معكرونة كل يوم… ناس عم تلف ساندويش سكر لولادا… إيه نعم سكر… بس إنو حليب أطفال ينقطع؟؟؟ والله بالحروب ما انقطع!!!
خبروني بشرفكن انتو يلي رح تنلفظو بمزابل التاريخ… حليب ولادكن من وين؟ يا عمي قبلانين نموت نحنا من الجوع بس ولادنا لأ… لأ ما رح نقبل يجوعوا! هيك موضوع بيسقِّط دُول! ناس عندا اطفال عم تشحد حليب على بواب الصيدليات!!! بس قولولي لمين بدنا نتشكى؟ كنا قبل اذا حدا سرقنا نتشكى عليه عند المراجع المختصة… طيب هلق اذا هالمراجع سارقتنا عند مين منتشكى؟ في حدا ب سوريا نتشكى عندو؟ منروح لهونيك نجيب حليبنا؟
بشرفكن عندي كم طقم كنابايات مرتبين وكم Set صحون وفضيات وكريستالات فيكن تسرقوهن كمان… خدو كل شي لأنو جوعكن مزمن… الكلاب اذا جاعت ما بتاكل بعضا… اما انتو ف نهشتونا للعضم… بس يكون عندكن عِلم… فَشر تقربو عولادنا!
