كتبت الإعلامية إيليز مرهج عبر صفحتها على “فايسبوك” التالي:”عم بكتب هالكلمات وعيوني ملياني دموع.
دموع فرح رغم كل الحزن، دموع أمان رغم كل المشاكل، دموع سلام رغم كل الخوف، ودموع حب رغم كل الجفا.
٢٣ آذار ذكرى عيدك ونعمة بحياتي.
من يوم يلي خلقت بهالتاريخ وأنا عندي قديسة مرافقتني بكل خطوة بحياتي، عندي أخت ورفيقة بحكيلا أسراري وتعبي ووجعي وهيي بتريحني، هيي بتقويني لو قد ما كبرت الهموم، هيي بتعطيني وبتعطيني كتير من دون ما أطلب.
هيي بتنورني وبتهديني بكل قرار بحياتي.
رفقا إنتي يلي حملتي الالم بفرح وصبر وعجز الطب عن شفائك عطينا نعمة الصبر بهالايام الصعبة، قويلنا إيمانا بيسوع الحبيب ليغلب الخير على الشر وأهم شي علمينا نقبل إرادة الله لو شو ما كانت ونردد دايما “لتكن مشيئتك”.
بطلب منك بهاليوم المقدس ما تتركني ولا لحظة بحياتي، خليكي حدي وحد كل شاب وصبية بهالبلد لنبقى هون ونصمد بأرضنا، الارض يلي إنتي وشربل والحرديني زرعتوا إيمان وزهرت معكم قداسة وعجايب، زهرت معكن أرض لبنان الرسالة.
