تعرض منزل الممثل اللبناني ابن بلدة عمشيت اسعد رشدان للاعتداء من قبل مجهولين علّق عبر صفتحته على الفايسبوك كاتباً : “الحرس القديم: قبضيات…
لا اسم، لا رسم، لا كسم…
البطل اللي نطرني تا ضهرت من البيت ليوصل عا مدخل بيتي، بيعرف منيح اني لو شفتو… كنت تصرّفت معو، دفاعاً عن حرمة بيتي… وهلق بقلّو هوي واللي بيشد عم مشدّو، هيك رح يصير اذا بلمح حدا مشبوه مارق من حد بيتي…
سلمولي عالحرس القديم والجديد.
ولو فعلا كنتو من الحرس القديم، كان لازم تعرفوني منيح قبل ما تلعبوا بديلكن.
اذا كنتوا هالقد قبضايات واجهوني ومنشوف…
شرط بلا كمامات…”.
واضاف:”أنا أسعد رشدان…
شرّفتولي بيتي متل ما شرّفتوا بكركي بالـ ١٩٨٩
وشرفتوني إلي متل ما شرفتوا غبطة البطرك صفير من ٣٣ سنة…
يا ريت حدا منكن عندو الجرأة يعرّف عن نفسو متلي ومتل رئيسكن… ما خاف متلن… قال انا ميشال عون،
وأنا قلت انا أسعد رشدان، فَـــإنتو مين يا حلويييين؟”
