خلص الحكي وما نشفت الدموع
الحجر تكي ومن النطرة موجوع
آخ وبكي انحبسوا بين الضلوع
نْخبّي الوجع والشوق للغمرة يجوع
رح نضل عل ارض نضوي شموع
ل يرد علينا من السماء يسوع
يبلسم كل قلب مفجوع
وبدم الشباب يرسملنا درب طلوع
والليلة بعيد الصليب
اللي بايدكن تعمَّر
ما مننسى الخي، الابن العم وشربل الحبيب
لو قد ما سنينّا تعمِّر
بوعدكن يا اشرف الأبطال
رح يبقى راسنا مرفوع
ولو قد ما الغياب والوجع طال
غير بصلاتنا الكن ما في ركوع
