كتب الزميل الصحافي عبدو متى عبر صفحته على الفايسبوك قائلاً : بشرفكن كيف في انسان بلبنان ما بيأدي التحية للجيش اللبناني وخصوصا اذا بين عديدو رائد متل الرائد حسام مهنا بفوج المدرعات بمناقبيته العسكرية والانسانية واحترامو لكل مواطن مهما كان شأنو او مركزو .
الرائد مهنا تعرفت عليه بعد سوء تفاهم حصل بين عدد من اهالي ضيعتي كفرمسحون وخيي يللي بيملك محطة للمحروقات بالبلدة من جهة وعناصر من الجيش اللبناني حضرت عا المحطة ، ( بسبب خبر كاذب من مخبر من جماعة بونات البنزين انو مخزنين محروقات وما عم منعبي للناس ) وفور وصولو مع حضيرة من العناصر للوقوف على حقيقة ما جرى حسيت وج الله عليه ، وبعد ما تأكد من يللي صار غادر تارك بقلوبنا وقلوب الناس يللي كانت موجودة ارتياح كبير وزادت محبتنا للجيش اللبناني واحترامنا كبر تجاه المؤسسة العسكرية وبقي التواصل قائم بيني وبينو الى اللقاء يللي جمعنا اليوم سوا بحضور الصديق بادرو خوري وابن خالتي عادل كيريلوس وبالتأكيد خيي شربل يللي وصل مأخر بعض الوقت لانو كان عم بيأمن البنزين لابناء البلدة والقرى المجاورة.
شكرا لحضرة القائد العماد جوزف عون الذي تربطنا به علاقة احترام ومحبة وقربى ، ولقائد فوج المدرعات العقيد الركن طوني ابراهيم والتحية الكبرى للجيش اللبناني قيادة وضباطا وعناصر والله يحميك حضرة الرائد حسام مهنا .
