كتب رئيس بلدية وتوابعها عبدو العتيّق عبر صفحته على الفايسبوك :امام هول الكارثة يلي حلت بلبنان الليلة، ما بقا في كلمات منعبر فيها عن الحزن، ولكن لا بد من التقدم بأصدق مشاعر العزاء لأهالي كل يلي استشدوا بدون ذنب، ومنتمنى الشفاء العاجل للجرحى والمصابين.
بدي أتوجه لأبناء بلاط ومستيتا وقرطبون حصرا” يلي تضررت بيوتهن ببيروت وضواحيها بسبب الانفجار الكارثي الليلة، وقلهن انو نحنا حضرنالهن اماكن بمسقط راسهن لبينما تكون الدولة أمنت الحلول ليرجعو على بيوتهن المتضررة، ولحد هلق استقبلنا ٦ عائلات وصاروا بين اهلهن واصدقاءهن بأمان وسلام.
المأساة كبيرة، وتضامننا ما الو حدود، وما راح نوقف مكتوفي الأيدي، راح نبقى الى جانب أهلنا وبيبقى سلاحنا الوحيد ايماننا وصلواتنا.
